إنتم سكشن أسطوري ..
مفيش بنات في الكلية كلها ممكن تفهم إ يعني إيه سكشن 1B غيرنا احنا .. اللي عاشروه 5 سنين .. مفيش حد ممكن يفهم إحساس 7 بنات إسراء ..بيتعاملوا مع أكتر من 50 ولد أحمد.. أنا بجد عن نفسي مش قادرة اتخيل كمية الإثارة والأكشن اللي كانت هتفوتني لو ماكنتش معاكم في السكشن .. وقد إيه كانوا هيبقوا 5 سنين مملين ..
أنا بجد مش ممكن انسى أحمد اللي على طول حران وعمره مالبس البالطو من يوم مادخلنا الكلية .. إنت بجد إزاي كدة ..؟ إنت بجد جبار
عمري برضه ما هنسى أحمد اللي سلم علينا في الشروق .. وهو بيقولنا إزيكم يا بنات؟ وأنا ماتنحتش من فكرة إنه سلم علينا .. قد ما تنحت من كلمة يا بنات :D :D أنا اتصدمت من الكلمة أوي .. أنا طول عمري حاسة إني جعفر من يوم ما دخلت السكشن دا
وعمري ما هنسى أحمد اللي في فاينال عملي البابليك .. لما بناخد رقم عشوائي ونوقف عليه .. وهو كان عاوز يوقف مكاني عشان يظبط مع صحابه .. راح بكل براءة اخد الرقم مني وعطاني رقمه وأنا متنحة ومذبهلة .. ومش عارفة إزاي عمل كدة .. وإزاي أنا سكت كدة وروحت وقفت على رقمه.. وأنا بهري وبنكت في نفسي
وكله كوم وأحمدات اللي اشتغلت معاهم في البرزينتيشن كوم تاني وكمية سؤ التفاهم اللي حصل .. وخناقاتنا على اللبس .. وفي الآخر احنا كبنات اللي ملتزمناش باللي اتفقنا عليه :D.. بس بجد نسينا كل اللي كان مضايقنا يوم ما عملنا وظبطنا أحسن برزينتيشن في السكشن كله
أنا بجد مش ممكن انسى أحمد اللي على طول حران وعمره مالبس البالطو من يوم مادخلنا الكلية .. إنت بجد إزاي كدة ..؟ إنت بجد جبار
.. وعمري ما هنسى أحمد اللي كان بيخلع البالطو .. بذمة أوي وضمير .. فوشي لبس في دراعه ودوخت وكنت هقع من الخبطة .. ونضارتي طارت :D :D.. وهو عمال يعتذر وأنا عمالة أضحك مش مصدقة وبقوله استنى كدة يمكن مقعش
وعمري ما هنسى أحمد اللي أخد الورق بتاعي اللي كنت بذاكر فيه قبل الكويز وقعد يشرح لصحابه منه وأنا مكسوفة اقوله إني عايزة الورق .. وفضلت مستنياه لما خلص شرح لصحابه بس هو مرجعش الورق وخده ومشى :D واتسحلت وراه جري لأخر السكشن بنده عليه ..
عمري برضه ما هنسى أحمد اللي سلم علينا في الشروق .. وهو بيقولنا إزيكم يا بنات؟ وأنا ماتنحتش من فكرة إنه سلم علينا .. قد ما تنحت من كلمة يا بنات :D :D أنا اتصدمت من الكلمة أوي .. أنا طول عمري حاسة إني جعفر من يوم ما دخلت السكشن دا
وعمري ما هنسى أحمد اللي في فاينال عملي البابليك .. لما بناخد رقم عشوائي ونوقف عليه .. وهو كان عاوز يوقف مكاني عشان يظبط مع صحابه .. راح بكل براءة اخد الرقم مني وعطاني رقمه وأنا متنحة ومذبهلة .. ومش عارفة إزاي عمل كدة .. وإزاي أنا سكت كدة وروحت وقفت على رقمه.. وأنا بهري وبنكت في نفسي
وكله كوم وأحمدات اللي اشتغلت معاهم في البرزينتيشن كوم تاني وكمية سؤ التفاهم اللي حصل .. وخناقاتنا على اللبس .. وفي الآخر احنا كبنات اللي ملتزمناش باللي اتفقنا عليه :D.. بس بجد نسينا كل اللي كان مضايقنا يوم ما عملنا وظبطنا أحسن برزينتيشن في السكشن كله
وكمان فيه أحمدات كانوا بياخدوا مننا أدوات العملي .. من غير ما يستأذنوا واحنا نلف ندور عليها
أما بقى البنات .. فهما إخواتي وصحابي وحبيايبي وشركائي في الكفاح وبجد بحب كل إسراءات في الله حتى كمان اللي كانوا معانا فترة واتنقلوا سكشن 2
ربنا يوفقنا كلنا في اللي جاي من حياتنا
:)
أما بقى البنات .. فهما إخواتي وصحابي وحبيايبي وشركائي في الكفاح وبجد بحب كل إسراءات في الله حتى كمان اللي كانوا معانا فترة واتنقلوا سكشن 2
أنا مش عاوزة حد يفكر إني متضايقة أو بتريق على حد .. أنا بس والله بهذر وحقيقي مش بتخيل نفسي وأنا في سكشن بنات بس والمعيدة تكمل شرح كدة عادي من غير ما نتزهق ولا نتهدد ولا ننقص درجات.. وعارفة إننا كبنات أكيد شلناكم برضه
وبجد أنا بعتبركم كلكم زي أخواتي .. .. ولو حد من سكشني كلامي ضايقه يقول وهمسح البوست على طول .. بس بكرر كلامي إني بعزكم كلكم وكاتبة المواقف دي هزار وضحك مش أكتر :D
وحقيقي اللي محضرش مع سكشن 1 يبقى ولا كإنه دخل صيدلة أصلا
وبجد أنا بعتبركم كلكم زي أخواتي .. .. ولو حد من سكشني كلامي ضايقه يقول وهمسح البوست على طول .. بس بكرر كلامي إني بعزكم كلكم وكاتبة المواقف دي هزار وضحك مش أكتر :D
وحقيقي اللي محضرش مع سكشن 1 يبقى ولا كإنه دخل صيدلة أصلا
ربنا يوفقنا كلنا في اللي جاي من حياتنا
:)
هناك 4 تعليقات:
ياريتنى كنت من احمدات السكشن
^_^
ليمو^_*
حلوة أووووووووووووووووووووووووووووووووووووووووووووى سكشن 1b اجمل و احلى ايام و احلى ضحك بجد ايام روووووعة و لا تنسى كان نفسى ابقى معاكم يالا الحمد لله ربنا يوفقكم كلكم الى ما يحبه و يرضاه يا احلى و اجدع سكشن فى الدفعة
ESRAA SABRY
حلوة يا سوسو :))
بس احنا سكشنا حلو برضو p:
هههههههههههههه ياريتني احمد :P
إرسال تعليق