السبت، 31 ديسمبر 2011

انا قلبي قلب فارس ومش خايف
انا حاسس انا شايف الحق هنا في قلبي
واهه رب الكون جمبي هو المالك هو الحارس
قلبي شبه سيفي درعي عشر ايآت
لون خيلي من طيفي ثابت حتى الممات
دور كده جواك هتلاقي فيك مني
هتلاقي في جواك فارس ومستني
يرمح على خيله ويقيد ظلام ليله
نور ربه ده دليله لو مره ضل وتاه
اهدني يا الله

الجمعة، 30 ديسمبر 2011

الإخطبوط وحصان البحر

    صدّق أو لا تصدّق ..هناك فرصة كبيرة للثورة المضادة في النجاح .. المشكلة الحقيقية تكمن في أن الثورة واستمرارها .. أصبح فقط متعلق بالتحرير .. المركزية هي أكبر نقطة ضعف موجودة في جسد الثورة ..
    مثلاً فلنتخيّل أن الثورة المضادة هي كالإخطبوط .. أذرع كثيرة تمتد من رأس واحدة.. الأذرع تمتد من كل اتجاه وكلما بترت ذراع نمى ذراع أكثر قوة وإصرار .. لنتخيل أيضاَ أن التحريرعلى سبيل المثال هو حصان بحر صغير .. الحصان يرى أذرع كثيرة تمتد إليه لا يعرف مصدرها ..هدفها خنقه والتهامه .. حصان البحر يظن أنهم أعداء يتشتت في الدفاع عن نفسه أمامهم يتعب ويجهد بينما الإخطبوط يتسلى ويلهو بفريسته قبل أن يلتهمها .. بالطبع نتيجة المواجهة معروفة عندما يواجه حصان بحر اخطبوط .. فقط لتغلب الأخطبوط عليك أن تقاتل بإخطبوط مثله .. أن تتحرر من مركزية التحرير .. وتمتد أذرع الثورة إلا كل مكان لا أقصد بهذا الميادين فقط .. ولكن ما أقصده هو نشر الوعي الثوري:-


1-التنديد بأفعال العسكر في كل مكان في الجامعة في المواصلات في طابور العيش ... هناك برشور التحرير قم بطباعته وتوزيعه ربما يغير وجهة نظر أحدهم عن اقتناع .. أو حتى بدون اقتناع ولكن تكرير رسالة دماغية صحيحة عن الثورة كافية لتصحيحها.. فقط لو حمل كل مواطن ثائر مسؤلية أن يغير في فكر شخص واحد في اليوم تجاه الثورة .. تخيل ماذا ستكون النتيجة حينها.

2-احرص دوماً على تطبيق مبادئ الثورة .. عيش حرية عدالة اجتماعية .. لا تتنازل عن حقوقك لا تسمح بالتجاوزات ولا تسكت عليها تذكر أنهم ماتوا لتحيا أنت حياة أفضل فلا تتنازل عنها.


3-لا تتعامل مع الشهداء على أنهم أرقام وإحصائيات.. تأكد من أنهم لحم ودم مثلك .. كان لديهم أحلام وطموحات وعائلة ومستقبل.. انشر صورهم وأفكارهم وأحلامهم.. حتى لا تتسامح مع الجاني.. ولا تغفر للقاتل

4- تذّكر قصيدة لا تصالح لأمل دنقل .. وطبقها 
(1 )
لا تصالحْ!
..ولو منحوك الذهب
أترى حين أفقأ عينيك
ثم أثبت جوهرتين مكانهما..
هل ترى..؟
هي أشياء لا تشترى..:
(2)
لا تصالح على الدم.. حتى بدم!
لا تصالح! ولو قيل رأس برأسٍ
أكلُّ الرؤوس سواءٌ؟
أقلب الغريب كقلب أخيك؟!
أعيناه عينا أخيك؟!
وهل تتساوى يدٌ.. سيفها كان لك
بيدٍ سيفها أثْكَلك؟

المطلوب هو نقل الثورة من التحرير وزرعها في عقول الناس.. وليفعلوا ما يشاؤا بالميدان حينها لن ينفعهم.. فالأفكار لا تموت ولا تحبس ولا تحاكم عسكرياً ولا تُسحل. 

الثلاثاء، 27 ديسمبر 2011

آدي النتيجة



السنة اللي فاتت كنت كاتبة ملخص 2010 والسنة دي هكتبه برضه عشان اعرف كل سنة بتغير فيها بقد إيه عن السنة اللي قبلها



الأول هحط ملخص السنة اللي فاتت وتعليقي عليه بعد كدة هعمل ملخص السنة دي

 بسم الله الرحمن الرحيم


مممممممممممم النهاردة اخر يوم في 2010

وحبيت افكر نفسي بشوية حاجات 

عشان اعرف بعد سنة كنت بفكر في ايه

غير كدة ان احلامي كانت بتتخنق من كتر الكتمة

قلت لازم اخرجها تشم شوية هوا

وتتعرف على ناس جديد

:DD

"قابلة للتحديث حتى اخر اليوم"

-نفسي اعمل السنة اللي جاية:-

===================

1-اشتراك في المكتبة

2-ارسم ع الارض

3-اتعلم فوتوشوب واعمل تصميم للبرزينتيشن

4-افوز في مختبر الشهرة

5-ازور واحدة مزورتهاش من سنة

6- ابقى من فريق عمل بص وطل

7-اشتري لنفسي ورد

8-مسابقة الطالبة المثالية والطالب العبقري

9-احسّن الانجليزي..بدل الصعيدي اللي بنطقه دا

10-اطلع جواز سفر

11-ارجع احفظ قرآن تاني



مش عملت غير نص حاجة هو إني اتعلمت فوتوشوب .. ومش هكتب أمنياتي للسنة 

الجديدة عشان طلعن حاجة سخيفة جداص إني في يوم أقرر سنة كاملة


حموت لو معملتهاش عموما:-

===================

1-اساااااااااافر عامة..خاصة عمرة

2-اقتل شخص معين

3-اقابل فاروق جويدة

4- اكتب كتابي في المسجد النبوي

5-ادخل سنيما

6-احضر عرض باليه في دار الاوبرا..بالقاهرة

7-اركب عجل

8-ليسانس آداب..ومعيدة بقسم الأعلام

9-أقضي ليلة السنة الجديدة...مع حبيبي في نيويورك أنا بشطب الامنية دي 

10-أجيب تقدير امتياز

11-مااااااااتش في الاستاااااااااد



حاجات لازم ابطلها:-

================

1-العند

2-ادي الناس مكانة متستحقهاش

3- لما بكون مكتئبة بيغمي عليا


بطلتهاااااااااااااا خلاص الحمد لله

4-تاجيل الاعمال...لاخر لحظة



حاجات مش بعرف ابطلها:

================

1ا-نسى الناس ..شكلها ..واساميها

2-لبس =لون فاقع..ولو مش فاقع ميتلبسش

3-كاظم


استغنيت عن كاظم تماماً.. لدرجة مابقيتش بتخيل أزاي كنت بسمعه


4-اكتم في قلبي لما ازعل لحد الانهيار



حاجات مش بعرف اعملها:-

===============

1-احط  ميك اب

2-افرق بين اليمين والشمال

3-البس كعب اكبر من 3 سم

4-اكددددددددددددب

5-انظم ادواتي وشنطتي

6-اذاكر من غير راديو او اغاني

7-أذاكر على ترابيزة او مكتب



ولسة مش بعرف اعملها


حاجات مقدرش استغني عنها:-

 ===================

1-ابتسم ع الفاضية والمليانة

2-صحابي

3-الفيس

4-كاظم

5-احلام اليقظة واحلام النوم

6-القرااااااااااااااءة

7-النووووووووووووووووووم



حاجات مفتقداها جدااااااااااا:-

 ===================

1-الشتا يلمس شعري ويغرقه مياه



عملتهاااااااااااااااااااااااا :PP

2-ايام الاذاعة في الابتدائي

3-شلة الدرس في ثانوي

4-نصفي الاخر

5-أعيش كل لحظة في حياتي ..كانها الاخيرة

6-اغاني التسعينات..خصوصا عمرو دياب

7-افلام الخمسينات


اغاني بحبها جداااااا لغير كاظم:-

 ====================

1-لما الشتا يدق البيبان

2-انتيكة

3-مش زي الافلام

3-هتجوز

4-مالناش غير بعض

5-من غير كسوف

-عصفور طل من الشباك

8-نص حالة

9-سألني حبيبي

10-عجيب حبك




الكتب اللي قرأتها:-

============

1-زغازيغ..

2-الحب هو

3-مكتوب أن تتخيل قصة جديدة لحياتك

3-الخيميائي

5-احدى عشر دقيقة

6-الآتي

7-نسيان دوت كوم

8-الكتابة في لحظة عري

9-حبة هوا

10-قلوب صغيرة

11-من حرك قطعة الجبن الخاصى بي؟؟

12-ليتها تقرأ

13-كزهر اللوز او ابعد

14-مشكلة في الحب55

15-أناشيد الإثم والبراءة

16-في الحب والحياة

17-العطر

18-السر

19-ديفيد كوبرفيلد

20-افكار صغيرة لحياة كبيرة

21-كتاب الحب

22-يوميات امراة لا مبالية

23-يوتوبيا





السبت، 3 ديسمبر 2011

بنت نُكتة حقاً


المدونة دي بقيت كئيبة جدا أو بمعنى أدق صاحبتها اللي كئيبة
دي حتى مابقيتش اسم على مسمّى 
المفروض يبقى اسمها بنت نكد مش بنت نكتة 
فين البنت اللي بتسخر من مشاكلها
البنت اللي عيوبها هي أكبر مميزاتها
اللي مش بتتكسف من نفسها أبداً
العنيدة كدة ودماغها حجر حتى لو غلطانة
ما بتستسلمش ونفسها طويل وهادية وباردة  اكتر
هي موجودة لسة مماتاتش يعني بس بتتغير


وأنا مش عاوزاها تتغير
طيب بما إن دا أول بوست للشهر الجديد
وهو شهر أصلاً زي الفل كله امتحانات
والواحد بيتضغط من الهوا
أنا قررت أني مكتئبش بجد فيه 
واي حاجة تحصل لي تضايق هقلبها مسخرة وضحك وتريقة
يااااااا مُسهل 




الثلاثاء، 29 نوفمبر 2011

ثرثرة


لدي رغبة قوية لأثرثر منذ فترة طويلة 
لكن يمنعني حيائي ممن سالت دمائهم في التحرير


ولكن الثرثرة حق مشروع للجميع
(1)


فجأة أصبح كل أبطالي الخيالين محض هُراء 
وسخافة منقطعة النظير
عن أي شئ أتحدث ..
 ومن أي شئ قد أستمد إيماني


(2)
أعترف بأن أشيائي الصغيرة .. 
وأبطالي هم من وحدهم يدفعوني لأستمر في الحياة
أشياء كميداليتي التي تحمل 3 دببة صغيرة 
بسيمة وبسيوني وطفلتهم بيلسان 
(3)
 دميتي التي أشتريتها في العيد 
إصراري لوالدتي عندما رأيتها
ونظرة الطفولة التي نظر لي بها أخي الأصغر عندما طلبتها
ردود فعل جعلتني أفكر في التراجع عن حقي في اللعب
وأمتلاك دمية 
وحده البائع طفل في ال 12 من عمره 
لم يتعجب مني .. يشرح لي بمنتهى الحماسة وبلا ملل كيفية استخدامها
كيف أضع يدي داخلها وأحرك فمها 
"شرشور" هكذا سميته
كان هناك أيضأ  شلابية وشلبي وعبده البرنس ونبوية
لكن هناك رابط بيني وبينه لا أعرف ما هو 
(4)
موبايلي الذي توقف عن العمل إلى الأبد
(5)
أمي التي تكاثر عليها الحزن 
(6)
ندى الكردي التي تزورني في الحلم أكثر من مرة
مرة منهم أخبرتها فيها أن كلما سمعت صوتها
 سمعت معه صوت الكمانجات
(7)
اجتماع شريف القلاوي بنا في حفل ختام النشاط
لا لأاذكر حديثه فقط أتأمل وجوههم لأحفرها جيدا في ذاكرتي
ربما تكون المرة الأخيرة من يعلم
(8)
عن ذلك الغائب الحاضر دوماً
يأتي بصوته الدافئ البعيد 
ليعيد إلي في لحظة واحدة
كل ما فقدت إيماني به
(9)
الثلاجة التي أصبحت دافئة جداً 
منذ أن وضعت عليها ملصق متوسط الحجم
لسبونج بوب
(10)
خذلاني الدائم غير المتعمد لحورية وابتهال
(11)
خذلاني الدائم والمتعمد لنفسي
(12)
ارتباطي الشديد بالكلية لأول مرة منذ 3 سنوات
(13)
خوفي من الظلام 
أتذكر عندما توقف المشروع في سموحة الساعة 7
انتقيت أكبر عمود نور في الشارع لأقف تحته
***
عندما انقطع النور 
استيقظت وقتها مفزوعة لاختفاء الضوء من الحجرة المجاورة 
واختبأت تحت الغطاء أخفيت رأسي وقدمي
حتى لا تطولهم الأشباح
(14)
يقيني بأن الصالحون..هم فقط من يموتون 
(15)
مشاهد أستاذ وليد-ربنا يرحمه-
تتدافع أمامي احتل الرجل كل تفاصيل
الابتدلئي والأعدادي
محاولة نسيانه
هي محاولة لطمس جزء من كياني
(16)
مقطغ من أغنية The frog prince
يتكرر مرارار ومرارا لا أستطيع إيقافه
يكاد يدهسني تحته


Soon, someone will put a spell on you

Perfume, treasure, sorcery, every trick they know

You will lie in a deep sleep

That's when
Your prince's crown
Cracks and falls down


لا أعرف مالذي أقوله .. أنا فقط بحاجة إلى الثرثرة
وحضن لم يفقد قدرته على ترميمي من جديد

الأحد، 20 نوفمبر 2011

أرض النفاق



أنا مش بعرف أتكلم في السياسة 

ومش بحب أفتي فيها
أنا هتكلم في اللي بفهم فيه 
الأدب

في رواية أرض النفاق ليوسف السباعي.. 




لما البطل رمى الأخلاق في النهر..

وكل الناس اتصابت بمرض الأخلاق !! ..

النتيجة مكانتش يوتوبيا النتيجة كانت فوضى كبيرة أوي ظهرت ..

قبل الأخلاق ما تتوجد

لأن ببساطة أقنعة الزيف والفساد والنفاق وقعت واحد ورا التاني ..

فساد كانت الناس بتقبض منه آخر الشهر 

وبتبني منه بيوت وبتشتري منه وبيه أكل

 فساد كان الكل بيتنفسه.. 

الفوضى ظهرت نتيجة لهدم مجتمع فاسد منافق بالكامل .. 

والفوضى اللي بتحصل دلوقتي بتوقع معاها كل الأقنعة
فمش عاوزة الناس تقلق وتسأل مصر رايحة على فين ..

أكيد يعني مش هيجي أسوأ من اللي كنا فيه .. 

ع الأقل الناس صحيت وعرفت حقوقها

ولو احتاجنا 30 سنة كاملة عشان نصحى

فأكيد محتاجين مدة أكبر من كدة بكتير عشان نتخرس وننام تاني

الخميس، 17 نوفمبر 2011

أنصاف الألوان


أحب الشتاء حقاً

أحبه مثلما لم أحب شيئاً من قبل
لكن أكثر ما يضايقني فيه
الظلال الرمادية التي تصاحبه
اختفاء الشمس واختفاء الألوان معها
عدا اللون الأخضر لأوراق الشجر
التي تكاد تتوهج في الشتاء فقط
حتى الناس جميعها ترتدي ألوان داكنة
ألوان شتوية
تختلط بلون السماء والأرض 
تربكني جداً لا أستطيع أن أميز شئ أو أميز أحد
ألوان فرضت على ملابس تُعطي دفء مادي
لا دفء معنوي
أفتقد وهج الأحمر من بين كل الألوان
أفتقد هيمنته وسيطرته على من حوله
بقدرته الفريد على لفت الأنظار
أفتقد الفوشيا مرح وأنيق ومتهور

لا أرى سوى الرصاصي والبني والأسود
خط يمتد بين الماضي والحاضر والمستقبل
لا تستطيع أن تميز بينهم
ولا تستطيع أن تفصلهم
وكأن حياتك كلها تتجه باتجاه واحد لا تراجع فيه

17/11/2011
3:08
ص

الخميس، 10 نوفمبر 2011

عن العيد السعيد


كان عيد حِلو أوي 
اكتشفت فيه أن العيد مش بيتولد غير جوّانا وبقرار مِنّا
كل الناس بتحس بالعيد بشكل 
 بيتوقف على كل واحد
في ناس بتكتفي ب 3 في الصغير و ب4 في الكبير
بس لو العيد كان مولود جوّانا ممكن نفضل في عيد إلى ما لا نِهاية
لو خدنا القرار دا بِجد
عن نفسي يعني السنة دي قررت آخد يومين زيادة
لحد الجمعة 16 ذو الحجة 
بالمناسبة دا عيد ميلادي بالتقويم الهجري
هكمّل 21 سنة هجرية
أنا كان نفسي القرار إن العيد يفضل إلى ما لانهاية
بس مش قادرة آخد القرار دا وأنا يوم السبت عندي سكشن سيوتكس
ويوم الحد فيتو

كُل سنة وإنتم طيبين


9/11/2011


الجمعة، 4 نوفمبر 2011

مقولة


اكتر مقولة بحس إنها اتكتبت مخصوص عشاني
هي لـِ بيل جيتس
أعطي أصعب المهام ..لأكثر الأشخاص كسلاً
لأنه سيجد أسهل الطرق لإنجازها 

:D :D
4/11/2011