كانت أمنية من أمنياتي الصغيرة إني آكل ديك رومي
طبعاً منظره في الافلام والحشو بتاعه والنهم اللي بيتاكل بيه
وكمان سِعره المرتفع..يخليك تعتبره أمنية
في يوم كنا معزومين في فرح
وصدقوا أولا تصدقوا كان في البوفيه
بس لما أكلته انهارت كل أحلامي
طعمه كان عادي جداااا
طعمه زي ما يكون طعم فرخة بس معندهاش جفاف مش أكتر
هنلاقي إن عندنا أحلام كتيرة اوي
عشان بتبقى بعيدة عننا وصعبة شوية
خيالنا بيخليها زي الديك الرومي
بس بمجرد ما بنقرب منها بنشوف حقيقتها
ونشوف إنها مكنتش تستحق التفكير فيها أساساً
احذروا من اللي بتتمنوه
P.S:
البعض نحبهم
لكن لا نقترب منهم ........ فهم في البعد أحلى
وهم في البعد أرقى .... وهم في البعد أغلى
لكن لا نقترب منهم ........ فهم في البعد أحلى
وهم في البعد أرقى .... وهم في البعد أغلى
هناك تعليقان (2):
لا صحيح بنت نكتة :)
بصي يا اسراء قد يكون الهدف في ذات نفسه حاجة حلوة تحبي توصلي لها والحلم بيها شئ جميل
لكن زي ما قلتي ساعات لما توصل للحلم تلاقيه كويس ويستاهل وساعات تانية لما تحققه تلاقيه سخيف وما يستحقش
دا واقف على نوع الحلم :D
//
تحياتي لكِ
وابقي اعزمي على اكل الديك الرومي :D
:)دي شهادة أعتز بيها :))
أولا بجد شكرا ع المرور نوّرت المدونة
بس انا عموما بطلت تبقى أحلامي في الأكل يعني مره كان نفسي أسافر القاهرة عشان آكل كباب لاقيت واحدة صاحبتي بتقولي دا بيف مشوي ع الفحم فحسيت إنه حاجة سخيفة جدا مع إنه مطلعش كدة في الآخر بعيدا بقى عن الأكل
فزي ما أنت قولت بالظبط الفكرة إن في أحلام شكلها برّاق أوي وبتخدع ولما نحققها نلاقيها ما تستاهلش او خسرنا قصاده حاجات كتير أهم فعشان كدة لازم نتأكد من اللي بتحلم بيه دا احنا عايزينوا فعلا ولا لا؟؟
هههههه لا خلاص دي كانت غلطة وبقى دلوقتي بيقلب عليا المواجع
إرسال تعليق