اكتشفت مع إني شخصية ملولة جدااا واللي تحبه الصبح عادي جداااااً إني أكرهه بالليل .. بس في حاجة فضلت أحبها وأعشقها وأدمنها الفترة دي كلها وأعتقد لباقي حياتي برضه حفضل أحب الجبنة التركي
والسؤال .. أنا ليه بحبها كدة؟؟ أصل اكتشفت إن الجبنة التركي ..في كل مرة باكلها بحس أنها اول مرة ليا أدوقها . نفس الانبهار.. بطعمها..نفس تغميضة العين للحظات ..نفس المضغ براحة عشان مفوتش أي متعة .. كل مرة هي أول مرة ..فعلا الجبنة التركي دي الجبنة الوحيدة اللي طعمها بيختلف من بياع لبياع ومن مصنع لمصنع ع العموم انا مش حعمل تحليل المرة دي لطعم الجبنة التركي
في حاجات أهم
مثلاً
..من غير كسوف و عندي ثقة فيك بسمعها كل يوم من سنة وبحبها جدا وعمري ما زهقت منها..دا لأن طعمها طعم الجبنة التركي ..كل مرة بسمعها بكتشف معاني جديدة في الأغنية بنفس الانبهار كل مرة هي أول مرة
مثلاً ..
ابتهال
كل مرة بنتكلم فيها بتفتح عيني على حاجات جديدة ..بتقولي على مقولة ..بتفرق معايا جدا .. كتير اوي بنسى اللي كنا بنتكلم فيه لكن بفتكر المقولة بس النهاردة قالت لي "لم تخيب أبداً خيبتي فيك".."قبلك كان عندي أحلام..بعدك أنا "لا أحلم".."إذا أصبحت في ال 30 مثلما كنت في ال20 ..فأنت أهدرت 10 سنوات من عمرك
حبقى أعملها قاموس إن شاء الله..
المهم إن.. :))
كل مرة هي أول مرة
الحب مفروض يكون بطعم الجبنة التركي..كل مرة نشوف بعض فيها كأنها أول مرة بنتقابل ..كلامنا اول مرة نتكلم فيه..ميبقاش الإنسان اللي كان مثير للتساؤل بس لما اتفهم بقى ممل .. وأنا كمان مبقاش الست التقليدية اللي كانت مهتمة بنفسها وبعد كدة
فجأة صحى من النوم يلاقي إنه متجوز واحد صاحبه ..
كل مرة لازم تبقى أول مرة
أنا عمري ماحبيت بجد .. بس يوم ما أقول يا حب..لازم حببيبي يبقى بطعم الجبنة التركي
متعرفوش بقى بيتباع فين؟؟
:DDDD
يُتبع
هناك 9 تعليقات:
هبقي اقولك بيتباع فين بس بعد ما البوست يكمل :D
يا رااااااااااجل على فكرة البوست دا خلص والجاي مالهوش علاقة اساسا ان شاء الله
بيتباع فين بقى :DD
نتيجة لهذه البعتة
مش هقولك :P
ههههههههههههههه
انا مش بضحك على البوست ككل
انا بضحك على آخر حتة
^_^
اما تعليقي عالبوست , فدي فكرة جامدة جدا جدا جدااااااااا اول مرة اقرأ حاجة كده و ما شاء الله فعلا فكرتك حلوة قوي
تصدقي ان انا مفكرتش ايه هي الحاجة اللي مش بزهق منها أبدا ؟ هفكر كده و أول ما اعرف هقولك
:D :D
البوست رائع جداا وفكرته عجبانى
^&^
التجديد والتغيير ...
سمة يجب أن يتصف بها الانسان حتى لا يصاب بالملل :D
اعجبني البوست وهذه اول زيارة لمدونتك ..
:: لن تكون الأخيرة ::
//
واضح أيضا أن المجنون الثاني سبقني هنا :)
//
بخصوص الحبيب اللي زي الجبنة التركي اممممم
في بلاد الواء الواء :D :D
لو عرفتي بلاد الواء الواء فين هتعرفيه هو كمان فين
تحياتي لكِ وتقبلي مروري :)
خوووووووووووخة شكرا بجدددددد نورتي المدونة :) :)
موجة دا من بعض ما عندكم يا جميل :)
ههههههههههههههه مش موضوع واء واء هو موضوع بس انه مايكونش ممل بالفطرة بس الناس دي قليلة جدااااااا
بجد المدونة نورت جداااااا
:) :)
إرسال تعليق