يمكن النهاردة كان أحلى صباح في حياتي
أمنينين بتمناهم من سنتين اتحققوا النهاردة
بعد ما كنت بجيب 74 و 72 % السنتين اللي فاتوا .. فرّق رهيب طبعاً مجاش بالساهل ضحيت عشان اجيبه بحاجات كتيرة كان النشاط من ضمنها .. بس إحساس جميل جداااااااا خصوصا إني لما ذاكرت بجد حبيت صيدلة وحبيت المنهج بغض النظر يعني عن الشلل .. دلوقتي حتى بفكّر أكمل كلينيكال إن شاء الله ودا محتاج إن التقدير النهائي يكون جيد جداً وكل ما كان مرتفع يعني في التمنينات كل ما كانت فرصتي أحسن.. بس بحاول مندمش ع الدرجات السنين اللي فاتوا لأني فيهم اكتسبت حاجات ومهارات بجد مفيدة جدا ومحتاجاها برضه .. المهم أركز في ال 3 ترمات اللي فاضلين دول في الدراسة وربنا يقدّم اللي فيه الخير
دي مجلة كنت عملاها للأسرة من سنتين برضه بس مكنش الظروف مساعدة إنها تتطبع والحمد لله النهاردة اتطبعت .. فاضلة بس على موافقة الوكيل وإن شاء الله تتوزع
الحمد لله بجد .. أصحى الساعة 9 الصبح ع النتيجة أنزل أروح الكلية ألاقي المجلة.. شكراً ياربي معدتش أقلق على أي أمنية طلبتها منك سواء كنت بصلّي وببكي عشان تحققهالي.. وشكراً على كل حاجة كنت هموت ومش اتحققت وطلعت إنها أكبر خير إنها ماتتحققش
أوأصغر أمنية جت في بالي ومركزتش فيها بس إنت ياربي عملتها لي
زي بالظبط أول امبارح لما كنت بقول لماما أنا نفسي في الكنافة .. بعدها بساعتين بالظبط لاقيت ضيوف مش متوقعين جوم وجابوا معاهم صنية كنافة بالقشطة .. :))
أمنينين بتمناهم من سنتين اتحققوا النهاردة
أول أمنية هي إني أجيب جيد جداً الحمد لله جيبت 80.19 %
الأمنية التانية هي Pharma BUZZ
الحمد لله بجد .. أصحى الساعة 9 الصبح ع النتيجة أنزل أروح الكلية ألاقي المجلة.. شكراً ياربي معدتش أقلق على أي أمنية طلبتها منك سواء كنت بصلّي وببكي عشان تحققهالي.. وشكراً على كل حاجة كنت هموت ومش اتحققت وطلعت إنها أكبر خير إنها ماتتحققش
أوأصغر أمنية جت في بالي ومركزتش فيها بس إنت ياربي عملتها لي
زي بالظبط أول امبارح لما كنت بقول لماما أنا نفسي في الكنافة .. بعدها بساعتين بالظبط لاقيت ضيوف مش متوقعين جوم وجابوا معاهم صنية كنافة بالقشطة .. :))
ليست هناك تعليقات:
إرسال تعليق