من ساعة ما قريت
Pride and Prejudice
وأنا مجنونة بالشخصية دي شخصية مستر دارسي مع إنه كان قليل الذوق وقال على
إليزابيث إنها قبيحة .. أو جايز إنه كان فاهم الليلة وإنه معزوم في الحفلة عشان بس عريس لقطة .. وإن التحفظ اللي في شخصيته دا نتيجة الغرور ..
بس أنا مش شايفة كدة أنا شايفة إنه من الناس اللي بتبقى حساسة جداً وجميلة أوي من جوّا -ودا اللي بيظهر من أول ما هيحب إليزابيث- .. بس بتحب تعمل لنفسها قوقعة خارجية من الصلابة والتحفظ عشان تبعد عنها اللي قدامها وماتحسسهوش بالضعف والاحتياج ليه ..
بحب أوي فكرة الحب الصامت من طرف واحد .. إن الواحد ممكن يموت من غير ما يقول للي قدامه إنه بيحبه لاعتبارات كتيرة منها الكرامة زي إلينور داشوود في
sense and sensibility
فكرة أن الواحد بيكون بيتقطع من جوّا بس بيظهر بمظهر إنه عادي أو بارد أو إن الموضوع مش فارق .. مش فكرة أنهم أقوياء جداً عشان يفضلوا كاتمين كل المشاعر دي جوّاهم زي هيلجا في
Hey arnold!
لكن عشان هما في الواقع بيبقوا هشّين أوي ومفتقدين الثقة في الناس .. والحب بالنسبة لهم بالظبط زي الطبطبة اللي مع إنها خفيفة أوي بس ممكن تكسرهم
مش عارفة ليه أنا بحب الناس دي أوووووووووووووووووي .. جايز عشان أنا -إلى حدِ ما - منهم أو جايز إني بسمع عمر خيرت كتير :D
هناك تعليق واحد:
بصراااحه حتى انا حبيت شخصيه مستر دارسي من خمس سنين تقريباا وشريت الروايه طبعاا بعد ماشفت الفلم ولحد الحين عاجبني
إرسال تعليق