أمنية .. أمنيتان.. ثلاث أماني

إني أروح ال

وأنا

يعني يبقى معايا يوميها

 :) :) :)

3 حاجات أنا كمان

البوست دا أصلاً من مدونة فضفضة طبيعي لِ خديجة :) بس الفكرة عجبتني ف سرقتها

3 حاجات بخاف منها:@
1-الضلمة.
2-الوحدة.
3-الدباديب الكبيرة.


3 حاجات أساسية عايزاهم من الدنيا:
1-رضا أبويا وأمي
2-عيلة جميلة
3-القناعة


3  حاجات بتمنّى أحققهم:
1- أبقى كاتبة مشهورة.
2-صيدلانية تنفع الناس بعلمها.
3-ألف الدنياااااااا


3 حاجات بحبها في الشخص اللي قدامي:
عنده شخصية قوية ومستقلة
2-طموح ومش بيبص لورا مهما انكسر
3-إنه يعاملني زي بنته :*

3 حاجات بكرهها في الشخص اللي قدامي:
1- يعلّق أخطاءه على الآخرين.
2- متشدد في الدين.
3- مش بيعرف الهمزات .. وبيكتب اسمي كدة أسراء أو اسراء مش إسراء :SS


3 حاجات بتمناهم في شريك حياتي:
1-طموح محترم ومتدين وأخلاقه عالية.
2-يشجّعني أحقق أحلامي وما يوقفش في سكتها.
3- دمه خفيف ومش نكدي


3 حاجات مش هتجوّز من غيرها:
1- غسالة أطباق :))
2-
3-
-مش عارفة لسة-


3  حاجات بحبها :
1-القراءة.
2-الكتابة.
3-الحلويات.


3 حاجات مش هكبر عليها:
1-اللعب والبلالين.
2-أفلام الكارتووووووووووووون.
3- عمري ما هبقى طنط


3 أفلام بحبهم:
1-slumdog millionaire.
2-the legend of 1900.
3-شئ من الخوف.


3 أغاني بحبهم:
1-يا عاشقة الورد.
2- عندي ثقة فيك.
3-من غير كسوف.

احتياج

أين أنت ؟؟

..
أنا في حاجة إليك 

شتّان

عندي رغبة للكتابة فقط .. وكأنها غاية في حد ذاتها وليست وسيلة .. في أوقات مماثلة قد أضع مبررات لما أكتبه .. مقتطفات من أحاسيسي تجاه تجارب أو مشاعر مختلفة .. ربما كنت سأتحدث عن دمية جديدة أود شراءها أو خاتم على شكل فيل بفصوص نيروزية اللون.. ربما كنت أيضاً سأتحدث عن قائمة أحلامي الجديدة.. أو أعاتب صديقة على عدم اهتمامها بي.. ربما سأتحدّث عن مقطع من أغنية الليلة يا سمرة "البنت قالت فستاني منشور على الشط التاني .. خدني المركب وعدّاني" يتكرر كثيراً بداخلي لا إرادياً كلما زادت ضغوطي 

أو أتحدّث حديثي المفضّل "عنه" .. وكيف للفراق دور قوي في أحداث قصتنا التي لا تود أن تبدّأ بعد ..

 .. كان من الممكن أن أكتب عن كل ذلك في أوقات سابقة مماثلة لما أمر به ولا أود أن أعترف بأنه ليس سوى أعراض حنين للكتابة .. وأتبرئ منها كـ فيل صغير وردي اللون أتركه يرتجف تحت المطر ..

كل ما سبق مبررات أضعها لنفسي حتى -مثلاً- عندما تسألني صديقتي "صالح" أنها لا تفهم ما أقصده.. أجد ما أقوله لها
لكنني لا أود أن أفعل ذلك مجدداً..الكتابة لم تعد وسيلة تعبير  .. منذ أن أصبحت أكتب من أجل أن أكتب فقـــــط..حتى ولو كان كلامي بلا معنى أو بلا قارئ

أكتب كأي فعل نحتاجه ضروري للحياة .. هل فكرت يوماً أن تسأل أحد أنا لا أفهم لماذا تتنفس أو تتناول الطعام؟

دعوة للتصالح مع الذات

بقالي فترة بحاول أنضف نفسي من الكراكيب اللي فيها .. شوية كلام مالوش لازمة معلق معايا .. خيالات لا بتودي ولا بتجيب .. بقايا أحلام.. تقصيري في عباداتي..بقالي اسبوعين بالظبط أي حاجة مالهاش لازمة مش بفكر فيها .. وحاسة إني بقيت خفيفة جداً .. إن شاء الله الفترة اللي جاية هحاول أملا الفراغ اللي فضى من الكراكيب دي بحاجات مفيدة سواء لديني أو دنيتي ..هرتب أولوياتي وأرجع أعلم نفسي حاجات جديدة هكون أكثر تصالحاً ونفعاً مع تفسي وبالتالي أكثر تصالحاً ونفعاً مع الناس 


عايزة بس أحط شوية آيات مهمين جداً بس بنساهم مش عارفة ليه:-
       {مَا يَأْتِيهِم مِّن ذِكْرٍ مَّن رَّبِّهِم مُّحْدَثٍ إِلَّا اسْتَمَعُوهُ وَهُمْ يَلْعَبُونَ }الأنبياء2

{وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا وَسَبِّحْ بِحَمْدِ رَبِّكَ حِينَ تَقُومُ }الطور48

 {وَلَسَوْفَ يُعْطِيكَ رَبُّكَ فَتَرْضَى }الضحى5

{قَالَ رَبِّ اغْفِرْ لِي وَهَبْ لِي مُلْكاً لَّا يَنبَغِي لِأَحَدٍ مِّنْ بَعْدِي إِنَّكَ أَنتَ الْوَهَّابُ }ص35